Muqdisho:kulan ay isugu yimaadeen xarunta Golaha Shacabka Xildhibaanada Golaha Ayaa Maanta looga Dooday wabixinta Akhrinta 2-aad ee Hindise Sharciyeedka Xaqsiinta Ciidamada Qalabka Sida Iyo Howlgabka ay soo diyaariyeen Guddiga Difaaca Golaha Shacabka waxaana ka hor akhriyey warbixinta Guddoomiyaha Guddiga Difaaca Xildhibaan Xuseen Carab Ciise iyo Xoghayaha Guddiga Xildhibaan Sadiiq warfaa, sidoo kale waxaa kaloo looga hadlay Warbixin Ku Saabsan Duufaanada Xeebaha Soomaaliya Waxaana Shir Gudoominaayey Gudoomiyaha Golaha Shacabka Iyo Ku Xigeenadiisa.

Muqdisho:

Xafladaan oo ay ka qeybgaleen Masuuliyiinta Dalka oo uu ka midyahay Madaxweynaha Jamhuuriyadda Federaalka Soomaaliya Mudane Maxamed Cabdullaahi farmaajo, ,Ra'isul wasaaraha Xukuumadda JFS,Guddoomiyaha Aqalka Sare Cabdi xaashi Cabdulaahi, Madaxweynayaasha Maamulada Hirshabelle, Galmudug,Guddoomiyayaasha wakiilada Maamul Goboleedyada dalka Danjirayaasha Caalamka oo ugu horeeya Danjiraha Qaramada Midoobay,Danjiraha Turkiga,Danjiraha Itoobiya iyo wakiilo ka socday wadamada saaxiibada la ah Soomaaliya iyo Guddoonka Golayaasha Xeer-dajinta dalka iyo Marti-sharaf Badan oo lagu Casuumay Xaflada Caleema-saarka.

Kulanka oo ugu horeyntii uu ka hadlay Guddoomiye kuxigeenka 1-aad ee Golaha shacabka Mudane Cabdiwali ibraahim sh.Muudeey ayaa ka qeybgalayaasha Xaflada kusoo dhaweeyay goobta ugana Mahad-celiyay ka qeybgalka Munaasabada.

Sidoo kale waxaa khudbad ka jeediyey munaasabadaas Madaxweynaha JFS asigoo ku amaanay sida Hufnaanta leh ay u doorteen Guddoomiyaha Cusub wuxuuna kula Dardaarmay inay dardargeliyaan howlaha horyaala Golaha oo ay ugu horeeyaan Hindise-Sharciyeedyo dalka muhiim u ah iyo inay gutaan waajibaadkooda dastuuriga ah.

Dhamaan Masuuliyiintii ka qeybgalayay kulanka ayaa ugu duceeyay Guddoomiye Maxamed Mursal in uu Alle la garabgalo Xilka Culus ee loo doortay.

Ugu danbayntii waxaa goobta ka hadlay Guddoomiyaha Golaha Shacabka Mudane Maxamed Mursal Sh.Cabdiraxmaan ayaa u Mahadceliyay Dhamaan ka qeybgalayaasha Munaasbada Caleema saarka waxa uuna balanqaaday in uu ka shaqayndoono wadajirka Golayaasha Xeerdejinta Dalka.

Muqdisho:

Guddoomiyaha Cusub ee Golaha Shacabka oo maanta Kormeeray Qeybaha Xarunta Golaha Shacabka ay ka koobantahay

Mudane Maxamed Mursal sheekh cabdiraxmaan Guddoomiyaha Golaha Shacabka ayaa Maanta waxa uu booqasho Ku tagay Xarunta Golaha Shacabka isagoo sidoo kale kormeeray Xafiisyada kala duwan ee uu ka koobanyahay Xarunta.

 Guddoomiye Maxamed Mursal Sheekh Cabdiraxmaan ayaa intaas kadib waxa uu Ku soo wareegay guud ahaan Xarunta Golaha Shacabka asigoo mid mid u kor istaagay dhismayaasha ay ka koobantahay Xarunta, Guddoomiyaha ayaa kormeerkiisa waxaa ku wehlinaayay Guddoomiye ku xigeenka labaad ee golaha shacabka Mudane Mahad Cabdalla Cawad iyo xoghayaha guud ee golaha Mudane C/kariin Xaaji Cabdi Buux.

 Intaas kadib ayaa waxa uu La kulmay Guddoomiyaha Howlwadeenada Golaha Shacabka asigoo bogaadiyay howsha ay u hayaan Dalkooda iyo Dadkooda waxa uuna Ku dhiira galiyay in ay sii dardar galiyaan howsha ay Qaranka u hayaan sidoo kalena ay muujiyaan xilkasnimo iyo dulqaad dheeri ah,Waxa uuna sheegay Guddoomiyaha Golaha Shacabka in ay yeelan doonto Golaha Shacaabka xarun caafimaad oo u gaar ah si ay Howlwadeenada Golaha Shacabka ugu adeegto si ay u helaan daryeel caafimaad.

Guddoomiye Maxamed Mursal “ Golaha Shacabka waxa uu yeelanaya Xarun Caafimaad oo u gaar ah”.

Ugu dambeyn Guddoomiyaha Golaha Shacabka ayaa waxa uu La kulmay Agaasimayaasha iyo maamulka guud ee Golaha Shacabka isagoona warbixino ka dhageysatay kuna booriyay in la muujiyo howl karnimo iyo hufnaan.

Muqdisho:Guddoomiyaha Golaha Shacabka JFS ayaa loo doortay Mudane Maxamed Mursal Sheikh Cabdiraxmaan.

Waxaa maanta Kulan isugu yimid Xarunta Golaha Shacabka Mudanayaasha Golaha Shacabka,kulankaas oo uu shir gudoominayey sii hayaha Guddoomiyaha Golaha Shacabka ahna Guddoomiye ku xigeenka 1aad ee Golaha Mudane Cabdiweli Ibrahim Shekh Muudeey ayaa waxaa lagu doortay Guddoomiye cusub.

Waxaa ku tartamayey ilaa 11 musharax waxayna kala ahaayeen:

  1. Idiris Abdi Taktar
  2. Sharif Sheik Maye
  3. Mohamed Mursal Sheikh Abdirahman
  4. Sharif Mohamed Abdalla Hussein
  5. Mohamud Moalim Yahya
  6. Iman Abdullahi Ali.
  7. Ibrahim Issac Yarow
  8. Ali Sheikh Mohamed Nur
  9. Prof. Salim Alio Ibrow.
  10. Abdiaziz Hassan Mohamed Laftagreen
  11. Sheikh Aden Mohamed Nur Madoobe

 halka uu tanaasulay Musharax Sh aadan Maxamed Nuur Madoobe intaan la geli codeynta Wareega 1aad,intaas kadib waxaa la guda galay codeynta wareega 1aad waxaana isugu soo haray ilaa 10 musharax waxayna kala ahaayeen:

  1. Idiris Abdi Taktar
  2. Sharif Sheik Maye
  3. Mohamed Mursal Sheikh Abdirahman
  4. Sharif Mohamed Abdalla Hussein
  5. Mohamud Moalim Yahya
  6. Iman Abdullahi Ali.
  7. Ibrahim Issac Yarow
  8. Ali Sheikh Mohamed Nur
  9. Prof. Salim Alio Ibrow.
  10. Abdiaziz Hassan Mohamed Laftagreen

Waxaa kasoo gudbay wareega 1aad musharixiinta kala ah : Xil.Abdiaziz Hassan Mohamed Laftagreen oo helay 54 Cod,Xil.Mohamed Mursal Sheikh Abdirahman oo helay 83 Cod, Xil.Sharif Mohamed Abdalla Hussein oo helay 19 Cod, Xil.Ibrahim Issac Yarow oo asigane helay 69 Cod.

Waxaa tanaasulay Xil.Sharif Mohamed Abdalla Hussein iyo .Abdiaziz Hassan Mohamed Laftagreen,kadib waxaa loo gudbay wareega 3aad maadaama wareega 2aad ay tanaasuleen labo musharax.

Waxaa la guda galay codeynta wareega 3aad ay isugu soo hareen labada musharax oo kala Xil.Ibrahim Issac Yarow iyo Mohamed Mursal Sheikh Abdirahman.

Muqdisho:Waxaa Maanta lasoo Gabagabeynayaa Diiwaangelinta Murashaaxiinta u taan qabashada Xilka Guddoomiyaha Golaha Shacabka

Waxaa maalintii labaad si habsami leh ugu socota xarunta Villa hargeysa diiwaangelinta murashixiintaa u taagan qabashada xilka Guddoomiyaha Golaha Shacabka,iyadoo la filayo maanta inay araajidooda keenaan murashixiinta harsan.

Maanta waxaa is diiwaangeliyey oo araajidooda aya ka aqbaleen guddiga qabanqaabada Doorashada Guddoomiyaha Golaha ilaa lix musharax waxayna kala yihin:

  1. Xil.Idiris Abdi Taktar
  2. Xil.Sharif Sheik Maye
  3. Xil.Mohamed Mursal Sheikh Abdirahman
  4. Xil.Sharif Mohamed Abdalla Hussein
  5. Xil.Mohamud Moalim Yahya
  6. Xil.Iman Abdullahi Ali.

Waxaana la filayaa in maalinimada beri ay bilaawanto Hadal-jeedinta Murashaxiinta u taagan qabashada xilka Guddoomiyaha Golaha Shacabka.

is diiwaangeliye Murashax Xil Idiris Cabdi Taqtar
Murashax Xil Idiris Cabdi Taqtar
is diiwaangeliye Murashax Xil Iimaan Cabdulaahi Cali
Murashax Xil Iimaan Cabdulaahi Cali
is diiwaangeliye Murashax Xil Maxamed Mursal Sh Cabdiraxman
Murashax Xil Maxamed Mursal Sh Cabdiraxman
is diiwaangeliye Murashax Xil Maxamuud Macalin Yaxye
Murashax Xil Maxamuud Macalin Yaxye
is diiwaangeliye Murashax Xil Sharif Maxamed Cabdalla
Murashax Xil Sharif Maxamed Cabdalla
is diiwaangeliye Murashax Xil Sharif Sheekhuna Maye
Murashax Xil Sharif Sheekhuna Maye

Muqdisho:

Waxaa Maanta Lasoo Gabagabeeyey Hadal-Jeedinta Murashaxiinta U Taagan Xilka Guddoomiyaha Golaha Shacabka

 

Kulanka ay isugu imaadeen Mudnayaasha Golaha Shacabka uu shir gudoominayey Sii hayaha Gudoomiyaha ahna Gudoomiye ku xigeenka 1aad ee Golaha Mudane Cabdiweli Ibrahim Sh.Muudeey ayaa waxaa looga dhageystay Aragti siyaasadeedkooda shan ka mid ah Musharixiinta u taagan qabashada Xilka Guddoomiyaha Golaha Shacabka waxayna kala ahaayeen:

  1. Sharif Sheik Maye
  2. Mohamed Mursal Sheikh Abdirahman
  3. Sharif Mohamed Abdalla Hussein
  4. Mohamud Moalim Yahya
  5. Iman Abdullahi Ali

Isniinta soo socoto ayaa la filayaa ay taariikhdu ku beegantahay 30-04-2018 ayaa lagu wadaa in ay dhacdo doorashada Guddoomiyaha Golaha shacabka iyadoo ay u taagan_yihiin 11 Musharax.  

Waa Murashax Xil Iiimaan

   Murashax Xil Iimaan

waa Murasha Xil Maxamuud Macalin yaxye
Murashax xil Maxamuud Macalin
Murashax xil Sharif Maxamed Cabdalla
Murashax xil Sharif Maxamed Cabdalla
Murashax xil Sharif Sheekhuna
Murashax xil Sharif Sheekhuna
Murashax xil Maxamed Mursal
Murashax xil Maxamed Mursal

 

Muqdisho:

Kulankii mudanaaysha Golaha Shacabka ay Maanta ku lahaayeen Xarunta Golaha ayaa Goordhow lasoo Gaba-gabeeyay

Mudanayaasha Golaha Shacabka JFS ayaa maanta waxay kulan iskugu yimaadeen xarunta Golaha Shacabka , kulankaan ayaa waxaa Shir Guddoominayay Ku simaha Guddoomiyaha Golaha Shacbka ahna Guddoomiye ku xigeenka 1-aad ee golaha Shacabka Mudane Cabdi Wali Ibraahim Sheekh Muudey

Ajendaha Kulanka ayaa ahaa:

  1. Dhaarin Xildhibaan Cabdullahi faarax Wehliye
  2. Ku Dhawaaqista Guddiga Doorashada Guddoomiyaha Golaah Shacabka

Guddoomiye Muudey ayaa ku dhaawaqay Xubanaha Guddiga Doorashada Guddoomiyaha Golaha Shacbka, Intaas kadib waxaa Magacyada Xubnaha Guddiga Mudanayaasha Golaha Shacabka ka hor akhriyay Mudane Mahad Cabdalla Cawad Guddoomiye ku xigeenka 2-aad Golaha Shacabka  wuxuuna kula dardaarmay Guddiga in ay howshooda kusoo gabagabeeyaan mudada u harsan ee Dastuurka iyo Xeer-hoosaadka Golaha Shacabka uu xeeriyey.

Waxaana kulanka  soo xiray ku simaha Guddoomiyaha Golaha Shacabka ahna Guddoomiye ku xigenka 1-aad Mudane Cabdiwali Ibraahim Sheekh Muudey.

Xafiiska Warfaafinta Golaah Shacabka.

waa warqada Xubnaha Guddiga Doorashada GSH
Xubnaha Guddiga Doorashada GSH

Xafladaan  sida  heerka sare loo soo agaasimay ujeedkeedana ahaa furitaanka Klafadhig 3-aad ee Golaha Shacabka  ayaa waxaa ka soo qayb galay Mas,uuliyiin,Martisharaf,Danjirayaasha Soomaaliya u Fadhiya Caalamka iyo Guddoomiyayaasha wakiiilada Dowlad goboleedyada ayaa ka dhacday Xarunta Gen kaahiye ee Ex iskool buluusiya.

Waxaa amaan u jeediyay Marti sharafta kasoo qeyb galay xaflada furitaanka Guddoomiyaha Golha Shacabka Mudane Maxamed Sh.Cismaan Jawaari, asagoona sidoo kale ka war bixiyay marxaladihii kal duwanaaa ee uu soo maraya labadii kalfadhi ee ka horeeyay isagoona sheegay in wax badan u qabsoomay Golaha Shacabka, waxaa uu si doo kale carabka ku adkeeyay in Mudaaaasha labada Gole ay mar walba ka dhaxeyso wada shaqeyn loona baahnayhay in halkaas laga sii wado wadashaqeyntaas.

 Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa si rasmi ah u Furay kalfadhiga 3-aad Baarlamaanka JFS.

 

Mudanayaasha Golaha shacabka ayaa maanta isugu yimid xarunta Golaha shacabka kulankoodi ugu horeeayay,kadib fasax ay ku maqnaayeen iyadoo uu dhawaan furay Kalfadhiga 3-aad Madaxweynaha Jamhuuriyadd Federaalka Soomaaliya Mudane Maxamed Cabduulaahi Maxamed Farmaajo. Kulankii ay maanta isugu yimaadeen mudanaaysha Golaha Shacabka ayaa waxaa shir guddoominayay Guddoomiyaha Golaha Shacabka Mudane Maxamed Sh.Cismaan Jawaari, oo ay hareer fadhiyeen labadiisa ku xigeen iyadoo sidoo kalena kulankaan ay soo xadireen xildhibaano tiradoodu gaareysa 170 mudane, ajendaha kulanka maanta ayaa ahaa:

  1. Doodda Heshiiska Shirkadda Dubai Port World ee dekedaha Soomaaliya
  2. Qaybinta warbixinta wax ka bedelka Xeer Hoosadka Golaha Shacabka
  3. Qaybinta Miisaaniyadda 2018 ee Golaha Shacabka ansixiyay

Waxay mudanayaasha Golaha Shacabka u codeeyeen Xeerka Dhowridda Gobonimada iyo Midnimada gayiga Soomaaliyeed. Waxaa xeerkaan ogol ugu codeeyay 168 mudane waxaa sidoo kale ka aamusay hal mudane, halka hal mudane kale uu diiday. Intaas kadib ayaa mudanayaasha golaha shacabka waxaa loo qeybiyay “Doodda Heshiiska Shirkadda Dubai Port World ee dekedaha Soomaaliya” si ay u soo akhristaan aynadib isugu soo laabtaan dooddeeda. Gabagabadii kulanka ayaa waxaa soo xiray Guddoomiye ku xigeenka 1-aad Mudane Cabdi Wali Ibraahim sh. Muudeey

Xafiiska Warfaafinta Golaha Shacabka

 

© 2018 Golaha Shacabka,Baarlamaanka Jamhuuriyadda Federaalka Soomaaliya