Muqdisho:Waxaa Maanta lasoo Gabagabeynayaa Diiwaangelinta Murashaaxiinta u taan qabashada Xilka Guddoomiyaha Golaha Shacabka

Waxaa maalintii labaad si habsami leh ugu socota xarunta Villa hargeysa diiwaangelinta murashixiintaa u taagan qabashada xilka Guddoomiyaha Golaha Shacabka,iyadoo la filayo maanta inay araajidooda keenaan murashixiinta harsan.

Maanta waxaa is diiwaangeliyey oo araajidooda aya ka aqbaleen guddiga qabanqaabada Doorashada Guddoomiyaha Golaha ilaa lix musharax waxayna kala yihin:

1. Xil.Idiris Abdi Taktar
2. Xil.Sharif Sheik Maye
3. Xil.Mohamed Mursal Sheikh Abdirahman
4. Xil.Sharif Mohamed Abdalla Hussein
5. Xil.Mohamud Moalim Yahya
6. Xil.Iman Abdullahi Ali.

Waxaana la filayaa in maalinimada beri ay bilaawanto Hadal-jeedinta Murashaxiinta u taagan qabashada xilka Guddoomiyaha Golaha Shacabka.

Muqdisho:Waxaa Bilowday Diiwaangelinta Murashaaxiinta u taan qabashada Xilka Guddoomiyaha Golaha Shacabka

Waxaa si habsami leh ugu socdo xarunta Villa hargeysa diiwaangelinta murashixiintaa u taagan qabashada xilka Guddoomiyaha Golaha Shacabka,iyadoo ay soo buux dhaafiyeen murashixiinta u tartamaya qabashada xika Gudoomiyaha Golaha.

Ilaa hadda waxaa is diiwaangeliyey oo araajidooda aya ka aqbaleen guddiga qabanqaabada Doorashada Guddoomiyaha Golaha ilaa shan musharax waxayna kala yihin:

1. Ibrahim Issac Yarow
2. Ali Sheikh Mohamed Nur
3. Prof. Salim Alio Ibrow.
4. Abdiaziz Hassan Mohamed Laftagreen
5. Sheikh Aden Mohamed Nur Madoobe

Guddiga ayaa shaqeynaya ilaa 5:00 galabnimo si murashaxiinta looga qabto araajidooda ay kusoo codsanayaan u tartamida qabashada xilka Guddoomiyaha .

Waxaana la filayaa in maalinimada beri ay soo gabagabowdo diiwaangelina murashaxiinta u taagan qabashada xilka Guddoomiyaha Golaha Shacabka.

Muqdisho:Waxaa Maanta Bilowday Hadal-jeedinta Murashixiinta U taagan Qabashada Xilka Guddoomiyaha Golaha Shacabka.

Kulanka ay isugu imaadeen Mudnayaasha Golaha Shacabka uu shir gudoominayey Sii hayaha Gudoomiyaha ahna Gudoomiye ku xigeenka 1aad ee Golaha Mudane Cabdiweli Ibrahim Sh.Muudeey ayaa waxay qudbadahooda Musharaxnimo ka hor-jeediyeen  Xildhibaanada Golaha Shacabka  Lix Musharax oo ka mid ah Musharixiinta u taagan qabashada Xilka Guddoomiyaha Golaha Shacabka  waxayna kala ahaayeen:

1. Ibrahim Issac Yarow
2. Ali Sheikh Mohamed Nur
3. Prof. Salim Alio Ibrow.
4. Abdiaziz Hassan Mohamed Laftagreen
5. Sheikh Aden Mohamed Nur Madoobe
6. Idiris Abdi Taktar

Intaas kadib kulanka waxaa soo xiray Sii hayaha Guddoomiyaha Golaha Shacabka ahna Gudoomiye ku xigeenka 1aad ee Golaha waxaana loo balamay in maalinimada beri ah ay khudbadahooda ka horjeedin doonaan murashixiinta haray.

Muqdisho:

Waxaa Maanta Lasoo Gabagabeeyey Hadal-Jeedinta Murashaxiinta U Taagan Xilka Guddoomiyaha Golaha Shacabka

 

Kulanka ay isugu imaadeen Mudnayaasha Golaha Shacabka uu shir gudoominayey Sii hayaha Gudoomiyaha ahna Gudoomiye ku xigeenka 1aad ee Golaha Mudane Cabdiweli Ibrahim Sh.Muudeey ayaa waxaa looga dhageystay Aragti siyaasadeedkooda shan ka mid ah Musharixiinta u taagan qabashada Xilka Guddoomiyaha Golaha Shacabka waxayna kala ahaayeen:

1. Sharif Sheik Maye
2. Mohamed Mursal Sheikh Abdirahman
3. Sharif Mohamed Abdalla Hussein
4. Mohamud Moalim Yahya
5. Iman Abdullahi Ali

Isniinta soo socoto ayaa la filayaa ay taariikhdu ku beegantahay 30-04-2018 ayaa lagu wadaa in ay dhacdo doorashada Guddoomiyaha Golaha shacabka iyadoo ay u taagan_yihiin 11 Musharax.  

   Murashax Xil Iimaan

 

Muqdisho:Guddiga Qabanqaabada Doorashada Guddoomiyaha Golaha Shacabka ayaa doortay Guddoonkooda Cusub. Kulankii ugu horeeyey ay isku imaadeen Guddiga Qabanqaabada Doorashada Guddoomiyaha Golaha Shacabka oo ay kasoo qeybgaleen sii hayaha Guddoomiyaha Golaha Shacabka ahna Guddoomiye ku xigeenka 1aad ee Golaha Shacabka Mudane Cabdiweli Ibrahim Sh.Muudeey iyo Guddoomiye ku xigeenka 2aad Mudane Mahad Cabdalla Cawad. Intaas kadib waxaa la guda galay codeynta guddoonka waxaana loo doortay xubnaha soo socdo: Guddoomiyaha Guddiga Xil.Nuur Iidow Beyle sidoo kale waxaa loo doortay Guddoomiye ku xigeenka Guddiga Xil. Sahro Cabdulqaadir Cabduraxmaan Xoghaya guddigana waxaa loo doortay Xil. Xasan Cali Maxamed (Amardambe). Intaas kadib kulankii waxaa soo xiray sii hayaha Guddoomiyaha Golaha Shacabka ahna Gudoomiye ku xigeenka 1aad ee Golaha wuxuuna kula dardaarmay Xubnaha Guddiga iyo Guddoonkooda inay dardargeliyaan Howlaha Horyaala.

Guddoomiyaha Golaha Shacabka BJFS Mudane Maxamed Sheekh Cusmaan Jawaari iyo Masuuliyiinta Shirkadda Dhismaha iyo Hormarinta ee Tika oo uu wehliyo Safiirka dowladda Turkiga ee Soomaaliya Amb. Olgan Bekar ayaa Maanta kala saxiixday heshiis laba dhinac ah oo ku Aadan Dhismaha Xarunta Baarlamaanka JFS iyo Xarun kumeel-gaar ah oo dhawaan lafilayo in uu bilowdo Dhismaheeda.

Mashruucaan oo dhismihiisa ku baxaayo malaayiin doolar ayaa Mas,uuliyiinta Shirkada Hormarinta ee Tika Waxay balanqaadeen inay sida ugu dhaqsiyaha badan ay u dardargelin doonaan dhisamaha Golaha iyo xarunta Kumeel-Gaarka ee Villa Hargeysa.

Dhismahaas ay balanqaadeen Hey’ada Hormarinta ee TIKA ayaa wuxuu qeyb weyn ka qaadan doonaa Howlaha Golaha Shacabka iyo Bilicda Caasimada.

Dadaalkaan loogu jiro in lagu dhiso xarunta Golaha Shacabka ayaa wuxuu soo maray maraaxil kala gedisan iyadoo Guddoonka Golaha Shacabka oo xoog saaray ka gun gaaridda iyo bilic usoo celinta Guriga Ummadda.