Website ka Golaha Aqalka Sare ee Baarlmaanka Jamhuuriyadda Federaalka SoomaaliyaTabinta Toos ka ah

GUDDOOMIYAHA GOLAHA SHACABKA OO SHIR GUDDOOMIYAY KULAN LOOGA DOODAYAY XEER-HOOSAADKA GOLAHA SHACABKA BJFS

Muqdisho, December 21,2022: Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa shir guddoomiyay kalfadhiga labaad kulankiisa 5-aad oo ajandihiisu ahaa dhameystirka dooda Xeer-hoosaadka Golaha Shacabka BJFS.
 
Xildhibaannadda Golaha Shacabka ayaa soo jeediyay in ajandaha lagu daro ka doodista amniga isla-markaana loo yeero wasiiradda Gaashandhiga iyo Amniga Gudaha si wax looga weydiiyo halka ay mareeyso dagaalka kooxda Khawaariijta. Xubno ka mid ah Guddiga Arrimaha Gudaha iyo Amniga ayaa iyagana soo jeediyay in ka guddi ahaan ay ka shiraan. Dhanka kale Guddoomiye Sheekh Aadan ayaa soo jeediyay in guddiga ay soo shiraan isla-markaana go'aan mideysan uso gudbiyaan Golaha.
 
Dhanka kale xildhibaannadda ayaa dood adag ka yeeshay Xeer-hoosaadka Golaha Shacabka oo ay Guddiga Xeer-hoosaadka soo gudbiyeen qodobo dhowr ah kuwo wax ka bedel lagu sameeyay, iyadoo loo balamay in kulamada soo socda lagu dhameystiri doono dooda Xeer-hoosaadka Golaha Shacabka BJFS.
 
DHAMMAAD
 
 
 
 
 
 
 
 
 
 
 
 
 

Lasaco Tweets keenna

RAADIN

© 2018 Golaha Shacabka,Baarlamaanka Jamhuuriyadda Federaalka Soomaaliya